मातृभाषेशिवाय इतर कोणत्याच भाषेत, विद्यार्थी चांगल्याप्रकारे ज्ञान मिळवू शकत नाही. म्हणून सरकारने देखील मातृभाषेतूनच सर्व क्षेत्रातील शिक्षण यापुढे उपलब्ध करण्याचा कार्यक्रम हाती घेतला आहे. आपल्या अगोदर सर्व राज्य आपापल्या राज्यातील मातृभाषेप्रमाणे शिक्षण उपलब्ध करून देत आहेत. इतर देश विदेशात देखील शिक्षण घेण्यासाठी गेलेल्या आपल्या भारतीय विद्यार्थ्यांना तेथील मातृभाषा सर्वप्रथम आत्मसात करावी लागते आणि मगच, आपले शिक्षण पूर्ण करता येते.

यावरून, आपण लक्षात घेतले पाहिजे की, आपण आपली मातृभाषा कशाप्रकारे संवर्धित केली पाहिजे? मराठी राजभाषा संवर्धन प्रतिष्ठानच्या वतीने मराठी विषयामध्ये महाराष्ट्रातील सर्व मराठी भाषिक पाल्यांना / विद्यार्थ्याला आपली मायबोली भाषा सर्व केंद्रीय लोकसेवा आयोग, राज्य सेवा आयोग / इतर शासकीय, निम-शासकीय स्पर्धा परीक्षेत यापुढे पायाभूत तयारीने अभ्यासता यावी आणि तिच्या सखोल ज्ञानाची तयारी प्राथमिक स्तरापासूनच विध्यार्थांमध्ये रुजली जावी, याकरिता सदर परीक्षेचे कौशल्यपूर्वक आयोजन केले आहे, यामुळे मराठी भाषेविषयी सर्व मराठी भाषिकांत जाणीव जागृती निर्माण होऊन, मराठी अस्मिता जागरूक राहण्यासाठी मोठ्याप्रमाणावर मदत होईल ही अपेक्षा !

'धन्यवाद'
आपला कृपाभिलाषी
संचालक - मराठी राजभाषा संवर्धन प्रतिष्ठान